Soul Life

مرحبا بك يا زائر في منتديات حياة الروح
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 ازاى تكتب فيلم مصرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MESSI

avatar

عدد الرسائل : 1029
تاريخ التسجيل : 26/08/2008

مُساهمةموضوع: ازاى تكتب فيلم مصرى   الثلاثاء أغسطس 26, 2008 8:15 am

حاسس ان عندك موهبه ؟؟؟؟


عايز تكتب فيلم ؟؟؟؟


طب عايز تعرف ازاى الفيلم بيتكتب ؟؟؟

طيب اقرا اللى جاى وهتعرف تكتب هما يعنى اللى بيكتبوا احسن منك فى ايه؟



دليلك العصري لكتابه فيلم مصري


لو كنت ستكتب فيلم بوليسي او اكشن ماتوجعش دماغك بالحبكه والايقاع وخلافه انقش اي حبكه من فيلم اجنبي له نفس قصه الفيلم بتاعك ولو مالقيتش انقش الحبكه والفيلم والقصه معا


لو فيلمك رومانسي احذر ان يكون مبهجا او مرحا يجب ان يكون كئيب ومفجع وملئ بالدموع والكوارث والدم
ولامانع ان تصيب البطل بالسرطان وامه بالسل والبطله بالكوليرا والمشاهدين بالاكتئاب المزمن فتلك من وسائل انجاح الفيلم

ماتحاولش تكتب فيلم رعب لان الواقع الذي يعيشه الناس فعلا اكثر رعبا من الخيال

لو الفيلم اجتماعي اكتب عن اي مشكله معاصره او قديمه واجعل هذه المشكله تؤثر على قصه الحب بين البطل والبطله فهذه هي طريقتنا الوحيده لحل المشاكل

مثال : كل الافلام عن حرب اكتوبر كانت تناقش الفراق بين الحبيب والحبيبه بسبب وجوده في الجيش وكان اسرائيل احتلت سيناء للقضاء على الغرام بين حسن وسعاد

لو الفيلم كوميدي اكتب الفكره فقط وروح على الممثل لانه هو اللى هايمشي الفيلم على مزاجه وهايخترع مواقف يركبها على افيهات جاهزه عنده اشتراها من احد الظرفاء
اكتب له كل مايريد من مشاهد مقحمه ولا تخجل فلست اول من يقحم مشاهد مالهاش اي دعوه بالفيلم

في كل الاحوال لا تكتب قصه واقعيه لان الكل سيهاجمها بدعوى انها ليست من الواقع

لاتنس وضع مشهد مطارده بالسيارات فهذا المشهد اصبح مقدس في كل الافلام المعاصره واللى مش مصدقني يشوف

لا باس اطلاقا ببعض الرصاصات هنا وهناك اهه تعمل حس للفيلم

البطوله النسائيه

بما انهن يطالبن بالمساواه ساوي البطله باي حد في الفيلم عدا البطل وممكن تجعل لها صديقه تنصحها ان تبتعد عن البطل وفي الاخر تسمع كلام قلبها وتخاصم صاحبتها غراب البين

شرير الفيلم

شخصيه مهمه جدا ولكن اجعلها سطحيه ودوره في الفيلم يقتصر على مشهدين او ثلاثه
مشهد في اول الفيلم يتحدي فيه البطل ويفتري عليه وعلى اللى خلفوه
ومشهد في اخر الفيلم والبطل بيهزمه بالاضافه الى مشهد في النص وهو بيفكر ازاى يفترى زياده على البطل وهذا المشهد هدفه اساسا انا يتذكر المشاهد ان هناك شريرا بالفيلم

السنيد

بطل اقل شهره من نجم الفيلم يجب ان يكون بلياتشو درجه اولي تهريج ونكات وايفيهات حتي لو كانو في جنازه البطل نفسه وممكن اوي في الاخر يضحي عشان سواد عيون البطل

ام البطل

شخصيه ثانويه اساسيه هدفها استدرار عطف المشاهدين ومن قوانين السينما ان تكون الام مريضه ..... لاتغفل هذا ابدا


مشاهد يجب ان تكون موجوده في اي فيلم مصري

مشهد للبطل وهو يلعب كوره مع الناس في الشارع

مشهد اخر للبطل وهو يضرب بعض الاشرار قال يعنى الواد رامبو

مشهد للبطل وهو يدخن ويمشي في الشارع دامع العينين بعد ان يتلقي صدمه او خبرا سيئا

مشهد اخر للبطله وهي تبكي على اي شئ

مشهد لام البطل على سجاده الصلاه

مشهد لطبيب يقول لو عدينا الاربع والعشرين ساعه القادمه .. يبقي في امل كبير

طبعا سيطلبون منك تعديلات للبطل وللبطله والمخرج والمنتج
لا ترفض وخليك ترزى روائي قص من هنا والصق هنا مش مهم الفيلم يبوز المهم الناس تتبسط منك عشان تضمن معاهم سبوبه تانيه

ايضا فكر في موضع للفيلم لوضع الاغنيه فلها اهميه قصوي ممكن تتصور كليب وتتباع للفضائيات لتعوض المنتج عن خسائر الفيلم

لا تكتب قصه بطلها احد نجوم الجيل السابق في السينما فلن يدفع احد لمشاهدتهم كفايه عليهم مسلسلات رمضان

كل وسائل الخدمات العاجله كالبوليس والمطافئ والاسعاف لازم تيجي بعد الدنيا ما تخرب بالضبط كما يحدث في الواقع

سيبك من النقاد وخللى عينك على شباك التذاكر دا اللى هيخليك تشتغل بعد كده


خليك هايف على اد ماتقدر وابعد عن المشاكل والسياسه الناس مش ناقصه

لو نفسك اوي في السياسه وعايز تخلى فيلمك الهايف بيناقش قضيه خللى البطل يشوف مظاهره ويمشي فيها ويهتف ضد امريكا واسرائيل وممكن تتمادي وتخليه يحرق العلم
كدا يبقي انت ميت فل

لاتنس دور حسن حسني فهو شرط اساسي لعمل اي فيلم حتى ان الناس تسال قبل الفيلم هو بطوله حسن حسني ومين

يجب ان يكون في اخر الفيلم خطبه عصماء للبطل يلخص فيها معاناه الشعب المصري في ثلاث او اربع جمل
ماتكترش الناس مش عايزه اللى يقلب عليها المواجع بس عشان يبقي الفيلم قال حاجه

في الاخر يجب ان يتزوج البطل من البطله اوعي تخالف هذه القاعده فمنذ بدات السينما المصريه ومشهد النهايه هو فرح العروسان حتى انه في ايام السينما الصامته كانت احداهن ترفع ورقه مكتوب عليه
انا بازغرت
عشا ن صوت الزغروته ماكنش طالع
لما تلاقي المنتج سرق فيلمك ونزله باسم تانى واوعي تقعد على القهوه تشد شعرك
روح بلغ مراته انه متجوز عليها بطله الفيلم خليك فاعل خير


بعدها ماتحاولش تكتب افلام تانى واتجه لكتابه الاغانى



وهبقى اعلمك ازاى تكتب اغنية بردو Very Happy



مع تحياتى messi
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
FoKaK::HiTMaN::MeNe

avatar

عدد الرسائل : 633
تاريخ التسجيل : 26/08/2008

مُساهمةموضوع: hitman   الثلاثاء أغسطس 26, 2008 5:07 pm

مشكووووووووووووووووووووووووووووووووووووووووووور يا صحبى Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MaStoOl

avatar

ذكر
عدد الرسائل : 972
العمر : 29
اعلام الدول :
تاريخ التسجيل : 26/08/2008

مُساهمةموضوع: رد: ازاى تكتب فيلم مصرى   الجمعة أغسطس 29, 2008 4:11 am

مشكوووووووووووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sadlove

avatar

انثى
عدد الرسائل : 181
العمر : 62
تاريخ التسجيل : 27/08/2008

مُساهمةموضوع: رد: ازاى تكتب فيلم مصرى   الجمعة أغسطس 29, 2008 4:53 am

ههههههههههه

ايه الافادة دى لا بجد مشكور اوى

منتظرة كتابة اغانى بقى Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*soseta*

avatar

انثى
عدد الرسائل : 63
العمر : 25
تاريخ التسجيل : 28/08/2008

مُساهمةموضوع: رد: ازاى تكتب فيلم مصرى   الإثنين سبتمبر 01, 2008 5:14 am

لو فيلمك رومانسي احذر ان يكون مبهجا او مرحا يجب ان يكون كئيب ومفجع وملئ بالدموع والكوارث والدم
ولامانع ان تصيب البطل بالسرطان وامه بالسل والبطله بالكوليرا والمشاهدين بالاكتئاب المزمن فتلك من وسائل انجاح الفيلم

Shocked Crying or Very sad

هو لازم يكون كأيب مينفعش يكون سعيد ومرح؟؟؟؟؟؟ scratch

lol! ميرسي يا مسطول على النصائح Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسف على الازعاج

avatar

ذكر
عدد الرسائل : 422
العمر : 27
تاريخ التسجيل : 31/08/2008

مُساهمةموضوع: رد: ازاى تكتب فيلم مصرى   الثلاثاء سبتمبر 09, 2008 12:02 am

مشكور على المجهو الرائع دة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MESSI

avatar

عدد الرسائل : 1029
تاريخ التسجيل : 26/08/2008

مُساهمةموضوع: رد: ازاى تكتب فيلم مصرى   الثلاثاء سبتمبر 09, 2008 9:43 am

ميرررسى ع الردود الجميلة ياشباااااااااب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MaStoOl

avatar

ذكر
عدد الرسائل : 972
العمر : 29
اعلام الدول :
تاريخ التسجيل : 26/08/2008

مُساهمةموضوع: رد: ازاى تكتب فيلم مصرى   الأربعاء سبتمبر 10, 2008 5:50 pm



مشكووووووووووووووووور









FoKaK(MStOoL)MeNe
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MESSI

avatar

عدد الرسائل : 1029
تاريخ التسجيل : 26/08/2008

مُساهمةموضوع: رد: ازاى تكتب فيلم مصرى   الجمعة سبتمبر 12, 2008 5:37 pm

مشكور لمروركم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازاى تكتب فيلم مصرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Soul Life :: المنتديات الادبيه :: قسم القصص و الروايات-
انتقل الى: